Pyaar ho toh sirf RAB se

Dilon Ki Kahaani Labzon Ki Zubaani 

15

Ek badhi hi dilchasp kahaani sunne ko mili jisne man moh liya. Ek insaan RAB G se behad pyaar krta aur poora din UNHI ki pooja krne main UNKI seva krne main laga rehta . Uske Vishwas aur pyaar ki pareeksha lene ke liye RAB G ne ek khel racha. Ek din ek aisi list nikli jisme dikhaya gaya un logon ka naam joh RAB G se boht pyaar krte hai aur jinke liye RAB hi sab hai. Voh insaan khush ho jaata hai ki is list main toh mera naam zaroor hoga. Upar se neeche tak dekhta hai pr use apna naam hi nazar nahi aata. Boht niraash hojata hai aur krodhit hojata hai ki mere liye AAP sab ho pr AAPKO main is kaabil lagta hi nahi. Mere pyaar , bhakti ya seva main konsi kami reh gyi thi. Boht dukhi ho jaata hai. Kisi se baat nahi krta. 

Fir thode din baad ek list nikalti hai jisme dikhaya jaata hai un logon ka naam jinse RAB G boht zyada pyaar krte hai. Ab us insaan ko pata chlta hai iske baare main toh voh dukhi aur naraaz man se list ko dekhne hi nahi jaata hai. Aise main uske paas 4-5 log aate hai aur use batate hai ki vaah kya kismat paayi hai aapne  ki aapka naam is list main sabse pehle. Yeh sunke hairan hojata hai aur fir RAB G se maafi maangta hai ki, usne apne pyaar aur vishwas main, sirf ek dikhaave ki cheez se behak kr, shak kiya aur shukriya bhi kiya ki RAB G ne use is kaabil smjha aur uske pyaar ko is had tak apnaaya.

Is par RAB G farmaate hai, ki MAIN nahi kehta tum mujhmain vishwas kro ya mujhse pyaar kro lekin agr krte ho toh fir usme koi kami nahi honi chahiye, kabhi bhi kahi bhi shak ki gunjaaish nahi honi chahiye. Aur sach bhi hai ki is duniya main agr kahi asli sukoon hai toh sirf RAB G ke pyaar main. Duniya main koi aapke saath rahe na rahe, aapka saath de na de , pr RAB G har pal aapke saath rehte hai aur  aapka khyaal rakhte hai. Bs UNSE dua yahi kro ki sab AAPKE  havale hai aur sab kuch AAPKI marzi ke mutaabik hi ho , bs AAP hamein APMA pyaar pradaan kre aur hamein APNE charno main har pal har saans lagaaye rakhein.

Voh MAALIK-E-DO-JAHAAN hai , likhi hui takdeer bhi badal skte hai , aur voh RAB hai isiliye karishmein krte hai bs ham insaano ko mehsoos aur believe nahi hota ki na jaane kab kaise voh hamein musoobiton se bacha lete hai aur toh aur dukh ko ham tak pahunchne bhi nahi dete hai. Aap bs achche karam kro RAB G mein atoot vishwas rakho aur UNSE beimtehaan mohabbat kro, daava hai mera ki sukh aur sukoon jhak maarke aapke paas aaegi kyunki.........

RAB HI SAB HAI 

RAB G's Blessings, Karam anusar

Dilon Ki Kahaani Labzon Ki Zubaani 

14

Ek baar ek insaan ne RAB G se shikayat kari ki AAPKE decisions sahi nahi hote kyunki AAP sabke saath sahi insaaf nahi krte. AAPKE bachche takleef main hote hai , unhe AAPKE karam ki zaroorat hoti hai aur AAP unki pareshaaniyon ka hal boht der se krte ho ki mayoos hokr sab haar maan lete hai. 

Is par RAB G us insaan ko kehte hai ki ab joh hoga use tu chup chap dekhega aur kuch bolega nahi.

Saamne dikhayi deta hai ki ek cow ka pair keechad main fas jaata hai toh ek chor (thief) aakr uski maddad krta hai aur keechad se uska pair nikal deta hai . Fir thodi der baad ek cow ka pair keechad main fas jaata hai aur is baar uski maddad krne ek saadhu aata hai.

CHOR aur SAADHU dono hi thodi door chlte hai toh CHOR ko koode ke dher main ek sone(gold) ki potli milti hai jisse voh khush. Aur vahi SADHU ko chlte hue pair main ek keel chubh jaata hai.

Ab yeh sab dekh voh insaan vyaakul ho uthta hai ki aisa kyu hua ki CHOR jisne poora jeevan bure karam hi kiye , choriyan kr logon ko pareshaan kiya , use sone ki potli ka inaam kyu ; Aur doosri or SAADHU jisne aajeevan RAB G ka naam japa achche karam kiye seva kri , use keel chubha kr saza di jabki dono ne ek jaisa hi karam kiya.

Itni behchaini ke saath usne RAB G pr fir shikayat krte hue poocha ki kyu aisi naainsaafi kri, kyu CHOR aur SAADHU ko unke karmo ka sahi fal nahi mila?

Ispr RAB G farmate hai ki yahi tumhari cheezon ko smjhna ka galat nazariya tumhare man main basi patience aur vishwas ko hilata hai. Farmate hai ki us CHOR ki kismat main raja banna likha tha. Usne jeevan bhar bure kaam kiye isiliye cow ki maddad kr achcha karam krne pr use sirf sone ki potli mili. Vahi SAADHU ke kismat main faasi likhi thi. Uske achche krmo ki vajah se aur cow ki maddad kr ek aur achcha karam krne se , use sirf ek choti si keel chubho kr faasi se bacha liya.

RAB G ki nazaron se koi nahi bach skta VOH sab jaante hai kyunki VOH RAB hai . Kabhi na kabhi kaise na kaise krke aapko aapke karmo ka fal zaroor milega. Ab yeh aap pr depend krta hai ki aap apna account kin krmo se bharte ho. VOH Dono jahan ke MAALIK hai , VOH likhi hui takdeer bhi badal skte hai. Bs aapke haath main hai ki aap RAB G pr vishwas krte ho ya nahi ; aur kya aapmein voh sabar hai ki UNKI decided raah pr aap bina kisi tension aur shak se chl skte ho ya nahi.

Agr  aapne RAB G pr sab kuch saump diya hai toh bhool jao aapke saath kya hoga . Aap sirf karam achche kro aur RAB G ke decisions pr vishwas rakho kyunki.....

RAB HI SAB HAI

 

PYAAR; Mazaak hai kya?

Dilon Ki Kahaani Labzon Ki Zubaani 

13

Kise kehte hai PYAAR? Kaise maloom padhta hai ki hamein hamara PYAAR mil gya? PYAAR ki asli paribhasha hai kya? Aaj tk iska jawab na kisi ko smjh aaya aur na hi ise smjhaya jaa skta hai. Kyunki PYAAR ek ehsaas hai jise sirf mehsoos kiya jaa skta hai. Isme koi science ya logic nahi bhara ki paper pr iski definition utaar kr sbko sikhaayi jaaye. Yeh sab muh boli baatein sbko maloom hai lekin fir bhi aaj bhi PYAAR main dokha khaye logon ki ginti kam nahi hui.Ek anjaan insaan se interaction hui. Thode samay sath uthne baithne se dosti hui. Dheere dheere dosti aur gehri hone ki jis vajah se ek doosre ki taraf feelings aane lagi. Ab batane main hichkichahat hui ki kayi dosti bhi khatam na hojaaye . Lekin fir bhi dono ko vibes aati rahi ki yeh rista dosti se aage hai. Fir ek ne himmat kri aur apne dil ki baat saamne rakhi , aur saamne vale ne use kabool kr is rishte ko PYAAR ka naam diya. Yahi hota hai na ? Areh aage ki kahani bhi toh bachi hai. Thoda samay beet ta hai is rishte ko , PYAAR bhari baatein hoti hai , har moment boht sundr lgta hai , aadat ban jaate hai ek doosre ki. Ab fir samay beet ta hai toh insecurities naamak shbd ki entrance hoti hai arthat JALAN. Ladke ki best female friend se aur ladki ka best male friend se ldki aur ladke ko respectively jalan hone lgti ya kuch bhi keh lo ki y he/she is spending more of time with them. Mind main ajeeb se questions umadne lgte hai ki does he genuinly love me , ki does she really have feelings for me . AM I BEING CHEATED? Nahi nahi jyada soch ri hun. I love her and i TRUST ki she also loves me. 

Fir joh in sab vehemo se ya ek doosre pr shak se paar paa lete hai yaa kahu ki relation main aaye sabhi challenges ko strongly paar krlete hai , voh future main apna relation behad khoobsurt position pr paate hai. And touchwood for all those beautiful love full relation. Lekin joh in sb jhamelo main khud ki soch pr control kho baith te hai , unka hojata hai BREAKUP. Lo mil gyi logon ko chugliyan. Toota hua ashik ban kr , so called broken heart lekr sirf ek hi sawal khud se krte rehna ki MERI KYA GALTI THI? Meri feelings toh genuine thi. Fir kuch isse ubhar jate hai with time and kuch yahi soch rakh kr ki "saare ladke ek jaise hote hai" , achche logon ka bhi patta kaat dete hai.

Kitni asaani se likh keh raha hai yeh, isne kabhi experience nahi kiya na , tb pata lagega kaisa lgta hai. Yahi soch re honge aap sab. Sorry i dont mean to hurt you . Lekin PYAAR kya mazaak hai?

PYAAR sirf ek baar hota hai. Jahan PYAAR mtlb vahan 100% TRUST , toh fir shak ki gunjaaish kyu? Aap kyu kisi ko itna hak dedete ho ki last main aap hi khud ko hurt hote hue paao. Aapko maloom hai ki aapko agr kisi se pyaar hua to voh genuine hoga, toh kyu aap itne weak padh jaate ho ki wrong person ke haath apne dil ko hi thama diya. Aaj aise kahi honge jinke saath logon ne cheat kiya , jinke PYAAR ki kadar nahi kri, aur unhi logon ne khud ko mayoos rakh kr , lagataar rokr kitni takleef pahunchayi. KYU? Maana PYAAR ki koi surat nahi lekin is rishte main aane se pehle socho toh sahi ki kya yeh sahi hai mere liye , ki kya mere aur mere pyaar ki kadar kri jaaegi , ki kya yeh MATURE LOVE hai. 

Hamesha insaan ki neeyat galat ya sahi hoti hai joh unhe achche aur bure categories main daalta hai . Toh aap khud ko itna strong banao ki aap yeh sensitive life based decision boht maturity ke saath le paao taaki ant main aapko na bhuktna padhe. Aur ek baat to sure hai ki agr aap kisi ke saath galat krte ho toh aapko bhi return main same ya usse bhi zyada worst face krne ko milega , kyunki VOH hai na , UNKE dar par achche krmo ka sundr fal aur bure krmo ki saza zaroor milti hai , koi bach nahi skta . 

Conclusion main ek hi baat hai kehne ko ki Aap apna aur apne dil ka boht zyada khyaal rakho aapke APNO ke liye and.....

DO FOLLOW YOUR HEART , BUT ALWAYS TAKE ALONG YOUR MIND WITH YOU  

VISHWAS sang SHUKRIYA

Dilon Ki Kahaani Labzon Ki Zubaani 

12

Ek insaan registaan main boht der se bhatak raha. Paani bhi khatam hogya aur pyaas ke maare jaan nikl rahi. Boht der chlne ke baad , almost marne ki halat main ek kuan nazar aaya . Bhaagta hua kuen ke paas gya , par fir niraash hogya. Kua main paani ka level boht kam aur paani nikalne ke liye koi cheez dhoondhta hai toh milti nahi. Udaas hokr baith gya. 

Itni der main ek  hiran (deer) kuen ke paas akr apna muh hi sirf aage krta hai aur paani ka level khud b khud upr aajata hai. Use paani peete dekh , voh insaan rone lgta hai aur upar dekh kr kosta hai ki maine konsa gunah kiya tha joh mujhe pani peene ki ijaazat nahi mili.

Ispr ek awaaz aayi ki registan main jahan paani ka naamo nishan nahi vahan tujhe kuan dediya , pr vahan pahunch kr bhi tu paani nikalne ki cheez khojne main laga hua aur na milne pr niraash hokr haar maan li. EK BAAR HAATH TOH AAGE BADHATA. 

Yeh baat sunkr maafi mangte hue UNKA shukriya kr paani se apni pyaas bhujayi aur UNKE pyaar se apne jeevan ki .

Aisa aksr hota hai ki behad mushkil dor se guzarte hue ham haar maan lete hai aur galat kadam uthate hai khud ko aur apne kareebe logon ko takleef dekr. Lekin yeh bhool jaate hai ki agr ham itne pareshaan hai toh UNHE apne bachon ki haalat dekh kr pareshaani nahi hoti hogi kya? VOH RAB hai VOH sab jaante hai. Hamein bs apni pareshaani ke aage kuch nazar ni aata aur jab ham us bure wakt ke daur ke antim palon main hote hai, jab khushiyon se bhara samay bs ek ya do kadam ki doori pr hota hai  , bs tabhi haar maan jaate hai. 

Boht zaroori hai apne VISHWAS ko hamesha kayam rakhna kyunki UNKE karam se hi bure wakt se chutkara  aur achche palon ki khushiyan naseeb hongi. 

Kuch bhi ho kabhi haar nahi maanni chahiye. Aap jahan tk pahunche ho usme aapki lagan aur UNKA karam boht zyada hai , toh use maddenazar rakhte hai khud main belief hona behad zaroori hai. Agr do pal niraash ke, boht saare khushiyon ke palon main aa bhi jaaye toh usse tootna kyu , blki un palon main aap khud ko aur strong banao. Ek baat to confirm hai ki agr aapke karam achche hai to aapke saath kabhi bura nahi hoga. Haan bhaari samay shyd aajaye lekin, UNKE karam se VOH aapki har pal raksha krte hai aapka dhyaan rakhte hai aur voh bhaari samay kab nikl jaaega pata bhi ni chalega.

Bs har pal UNKA shukriya krte jaao ,khud main believe kro, UNMEIN vishwas rakho kyunki........

RAB HI SAB HAI 

KHUSHIYAN ; Neither Consistent Nor Permanent

Dilon Ki Kahaani Labzon Ki Zubaani 

11

Kisi ne ek baar sawal kiya ki khushiyan permanent kyu nahi hoti. Kyu sirf do pal ki khushi ke baad man firse pareshaan hojata hai. Boht hi random baat hai yeh pr dhyaan se smjhi jaye to padhne main maza aaega. Jisne yeh sawal kiya tha, use aksr shikayat rehti thi ki jinke saath kuch pal bita kr achcha lgta tha kuch samay baad hi unka koi ata pata nahi. Jinhone vaade kiye saath rehne ke , unse kab rishta khud b khud anjaan hogya pta hi na chala. Toh kyu kisi ke saath rehkr milti khushiyon main consistency nahi hai. Jis din yeh baat uthi , usi din ek incidence maine experience kiya jisse main is baat ko relate kr paya.

Toh kya hua ki I have a hobby of feeding dogs or animals wherever possible through biscuits, milk, bread or so. Toh generally when i go to park right in front of my house, then i take along packets of biscuits for dogs. Maine dekha ki ek female dog ne puppies ko birth diya hota hai jise i mostly provide food. Toh achcha laga dekh ke jab puppies ko voh feed krti hai. Aise hi usi din main busicuits lejana bhool gya. When i reached park , then i realised ki aaj reh gya. Then what i saw was ki unmain se ek puppy ko kisi doosre animal ne leg pr kaata hua tha , which was appearing a gehra zakham. Aur usi zakham pr ek Uncle bandage laga rahe the . I saw and was very happy.

Ab aap sbko lagega yeh kya likha hai smjh hi ni aaya. How this incidence can relate to topic mentioned in this post.

Jis female dog ko mujhse biscuits (khushiyan) milre the to further feed her babies , use ek din mujhse voh nahi mila lekin usi din ek Uncle ne uske bachche ke gehre zakham pr marham (khushiyan) laga diya.

Yeh baat shyd ajeeb lagegi smjhne main , shyd kya confirm lagegi. Lekin iske peeche chipa joh message hai voh smjh aajaye toh mera mksat poora. Khushiyon ka koi confirm samay nahi hota, na hi jyada der tk tikti hai. Jinke saath kuch pal bita kr lagta hai ki ab hamari khushiyon ka zariya yahi hai, kuch samay baad vahi anjaan ban jaate hai. Khush rehne ke liye hamein hi apna nazariya aisa banana hoga jisse ham har situation main khush reh ske. Yaani hamein khud un khushiyon ko dhoondhna hoga joh shyd ham dukhi hokr gava dete hai ya nazarandaaz krdete hai. Joh present main chal raha hai use RAB G ka decision maankr , khush rehne ki koshish krni chahiye. Haanji bilkul sahi socha aapne ki yeh kehna asaan hai aur krna behad mushkil. Lekin khushiyon pr itna dependent nahi hona chahiye ki gam aane pr hosla toot jaaye . Blki khud ko aur apno ko sambhaalne ke liye un unwanted dukh bhari situation main bhi khush rehne ki vajah dhoondhni chahiye taaki aap apno ke liye real strength ban paao.

Khushiyan agr permanent hai , Khushiyan agr consistent hai toh sirf aur sirf RAB G ke charno main. Asli sukoon sirf UNKE saath se hi mil skta hai. Jisne UNKO paa liya usne sab paa liya. Jisne UNKO apne dil main basa liya usne sab haasil krliya bs UNSE dua kro ki UNKA karam sada bana rahe aur joh UNHE manzoor VOH vahi kre, vahi best hai asli khushi UNHI ke karam se milegi kyunki.........

RAB HI SAB HAI