HELP... kbhi krke dekho achcha lgta hai !!

Dilon Ki Kahaani Labzon Ki Zubaani 

20

Help. Char akshar ka ek shbd , lekin iske mtlb anek aur tareeke toh jitne socho utne kam. Aaj kaafi samay baad likh raha hun toh socha kyun na koi aisa topic liya jaaye jispr shyd log jyada attract nahi honge pr thoda dhyaan diya jaaye toh kitna zaroori hai iska mool smjhna. Toh help ka aakhir roop kya hai mtlb kya hai. Kabhi socha hai ki dictionary mein joh is shbd ka mtlb likha hai  ki " Supporting those who are in need", ye apne aap mein kuch na kehr kr bhi boht kuch kehra hai. Kitna easy hai ham sbke liye ki ham jab chahe jis had tk chahe utna doosron ki maddad kr skte hai aur fir bhi gunjaaish khtm nhi hoti HELP krne ki. Mtlb RAB G ne hamein yeh saubhagya diya hai mauka diya hai ki ham jitna chahe utna achcha kr skta hai kisi bhi maddad kr and fir voh kahavat bhi apne aap mein poori hojaati hai ki "Tu achche karam krte jaa , teri takdeer ko sunhera krna meri zimmedari". 

Yeh fact ki HELP ka koi particular mool roop nahi ya koi restrictions nhi behad achcha lgta hai. Zara dekhe apni soch mein HELP ke kya roop ho skte hai. Aapko kuch batana ho na toh comments mein zaroor daalna.

• Gareeb ko khaane ke liye kuch dena , thand mein do chaar kapde dena , kisi weekend pr zaroorat mand logon ke liye chai naashte ka prabandh krna kya sirf yahi HELP mein aata hai? Beshak yeh krna boht achchi baat hai pr HELP sirf yahi tk nhi rukti, aage suno.
•  Koi apna joh kisi takleef mein hai , udaas hai ya confuse hai ki mn ki baat share kru ya nhi. Use itna apna banana ki voh yeh kabhi soche hi na, apne aap mein ek maddad ka roop hai.
• Agr aap kisi bhi zaroorat mand ke liye earning opportunity create krte ho job offer/refer krke toh socho kitni zyada badhi madad hai.
• Ek teacher bahchon ko padhati hai. Haan it is a profession pr socho bahchon ka future shape krne mein kitni zyada ehmiyat hai is maddad ki.
• Logon ke chehre pr smile laana jahan har koi apne jeevan mein pareshaan hai, kisi ko khush krna kitni positive vibes se bhara ehsaas hai
• Street animals ko jahan tk possible kuch khaane ko dena apne aap mein ek tasalli deta hai jisse u know dil smile krta hai

Ab bs aur examples nahi dera mujhe pta hai it is getting bored. Bs aaj ki post se maksad smjhaane ka yahi tha ki as a human being kabhi bhi apne man main yeh khyaal mat aane dena ki usne kya meri maddad kri thi jab mujhe zaroorat thi? Maloom hai mushkil hai yeh krna jitna asaan kehna pr aap toh na change hokr use bhi sharminda kr skte ho joh apne samay main mukar gaya. Aap apna lage raho. I dont know kitne logon ne yeh sach mein face kiya hai but i had many times , ki aap jitni logon ki maddad kroge obviously log aapko pasand krenge , pr utni hi jldi aapke paas voh maddad pahunchegi jab aap zaroorat mein hoge. Its an account which is to be filled with good work and uski barkat RAB G apne krte jaaenge. Pr haan kisi ke galat kaam mein maddad mat krna bhayi blki use sahi raaste pr laakr smjhakr uska kalyaan kro. 

Baaki NAYA SAAL 2019 ka aap sbko boht zyada mubaarik. Khush raho aur RAB G ko khush krte raho. 

10 SUCCESSFUL MANTRA'S OF LIFE

Dilon Ki Kahaani Labzon Ki Zubaani 

19

1) GOD does not forces you to have faith in HIM , but when you do then do not allow yourself to have doubts on what HE has decided for you. You might ask for something and you don't even know that HE has already written better for you.

2) Be a personality with whom everyone wish to talk , share and like to be with. Get out of your reserved nature. Be the person everyone wants to. No matter how much problems you are into but don't let anyone know with that charming face , so that others receive vibes of positivity from you.

3) Always respect your parents. Give them the position and love they deserve , throughout your life. They might get angry when they are even wrong , but you do not give wrong prompt reactions. Cause you know once they realise with time and stable mind , they will give you the most beautiful affection and care in this world.

4) Have patience at every step. Make wise decision. If you get stuck up , can't decide what to do , just leave everything  on the ALL MIGHTY. Just say I Surrender. Trust me you ll feel relief. But do not be impatient and also do not give immediate reactions, cause A moment of patience in the moment of anger or sadness , can save you from loads of regretful moments.

5) When you decide to do something ,means once you decide to take a certain path in your life, just don't affect yourselves with failures. You just give your best and do not worry about the results. Just make sure that there should not be a time where you doubt on your preparation or the hardwork done, cause this will make you give your best shot. And then do not worry with outcomes , cause GOD will automatically lead you towards HIS desired directions. DO NOT GIVE UP.

6) Gift a smile. Just do good with others and for others. Spread happiness in this cruel world and be the symbol of love for everyone. Don't hurt anyone. Do not treat anyone as stranger and help others as much as you can. Do not allow your mind to discriminate between poor and rich, animals or human beings , just help everyone. It is definite and true that what you do, comes back to you.

7) Try to get the hidden intentions of others. Cause when you know about intentions of others, you automatically understand what he/she wants to display. This will clear all the misunderstandings when you just make yourself stand in other's position and mind. 

8) Keep yourself fit and healthy both physically and mentally. This is a major fact of bringing positivity in oneself. Take good care of your health cause you don't live only for yourself but for your close ones too.

9) Be any kind of relationship : Mother and child; Best friends: Husband and wife; Sister and Brother; Boyfriend and Girlfriend or any , do not let the love ,care and affection go away with time and/or distance. Diseases like communication gap, hesitation to initiate the talk, etc brings that unwanted fadeness and misunderstandings out of nowhere into those beautiful bonds. Just do not stop bringing those efforts to increase love in it , even when your partner is not able to. 

10) If you have a dream, chase it. If you are passionate about something , do not leave it. Just do all those things you love to do and you get happy to do,  where only one condition exists that it should not harm others and yourself too .

LOVE ; ARRANGE or ARRANGED LOVE

Dilon Ki Kahaani Labzon Ki Zubaani 

18

Aaj ka topic thoda alag hoga, kyunki kayi dino se ek baat man main thi socha use likh dun aur mujhe khushi hogi agar aap bhi apna view is baare main batayein. And most importantly, this post is not meant to disturb or hurt anyone, so kindly spare me if you felt anything offended. 

Love marriage is better or arrange? Ye question aisa hai ki ismain barabar ke samarthak honge kyunki is question ke answer main har ek ka nazariya uski situation ke hisaab se banta hai. Pr main thoda alag sochta hun. Aisa nahi ki main love marriage ke khilaaf hun ya arrange marriage ke support mein, lekin mujhe ek cheez boht khatakti hai. Let me show you my point with an example.

Do dost school main aise stage pr aajate hai jahan un dono ko ek doosre ke liye liking aati hai.Fir yeh rishta college tk chlta hai aur dono ke relation main with time love growth hoti hai , and they have already decided in their mind ki bs isi ke saath apni life aage leke jaani hai. Lekin un dono ke man main vahi common dar hota hai ki kya unke parents maanenge ya isse badha sawaal ki kya unme itni himmat hai ki voh apne parents ko bata bhi paaye. Ab yahan situation ban jaati hai. Jaise ki with advanced time kuch parents are comfortable and provide support to their children for having good and healthy future with their decided partners. Bachche khush. Bachchon ke dost khush. Happy parents. Happy life. Ab yahi doosri situation ki parents are not comfortable and scared for their children's future. And now they decide ki unke bachchon ki arrange marriage kara di jaye.  Yahan yahan hai mujhe dikkat.

Main kisi ko disrespect nahi krna chahta pr un parents ko poochna chata hun ki aap apne bache ki zindagi ek anjaan ke haath main dene ko tayar ho jisko aapne sirf apne family links ki vajah se, 1-2

meeting main hi select krliya raazi hogye, lekin aapke bachche ne jiske saath apne kitne saal khushi se bitaaye jisko lekar aapka bachcha secure feel krta hai aur khush hai, us choice pr aapko doubt hai yaa apko manzoor nahi? Mai maan skta hun ki aap family links pr trust factor dikha aur apni society mein hi rishta krne ki chah mein arrange marriage pr zyada vishwas krte ho. Pr jaise aapko love marriage pr vishwas nahi , kya aise aapke paas guarantee hai ki voh aapka arrange marriage ka faisla bhi kaamyaab hoga?

Main yeh nahi kehta ki isse har ek ko  choot mil jaaye ki nadaani mein bina soojh smjh ke immature age main bahche pyaar kr baithe. Nahi itni restrictions aur akal honi chahiye ki har cheez ki sahi umar aur sahi wakt hota hai. Pr main iske saath bhi nahi ki parents ki different thinking ki vajah se bachche joh ek doosre ke saath khush hai , voh apne parents ke saath apni khushi hi na share kr paaye. RAB karam kare aisa na ho lekin aisi situations main ya toh bachche bhaag kr shaadi krne ka galat kadam uthate hai bs us dar ki vajah se ki parents maanenge nahi ya parents arrange marriage kara ke 4 zindagi ko kharab krte hai jisme un dono bachchon ke new partners ke saath unhe voh pyaar ka ehsaas nahi rehta joh ek doosre ke saath tha.

Meri bs ek hi chahat hai ki chahe arrange marriage ho ya love marriage mujhe kisi se dikkat nahi bs ek request sbse ki arrange marriage mein, parents dono bachchon ko aaps main thoda tym spend krne ko de taaki voh ek doosre ko smjh ske. Ek doosre ke saath bitaaye 2-3 months main hi smjh aajaega ki dono khush hai ya nahi and this will result in a good future. Aur rahi baat love marriage ki toh parents bachchon ko aisi seekh de ki bachche galat age main galat kadam na uthaye aur bachche itne comfortable ho ki voh apne parents ke saath yeh important life decision share kr paaye. Aur unke support ke saath apne future ko happily secure kr ske, where parents again play a major role.

Bs parents ho ya bachche sab smjhdaari se faisla le aur us rishte ko samay dekr smjhe kyunki shaadi main keval do log nahi do parivaar ek doosre se judhte hai.

Sab khush rahe aur RAB G ka karam sab pr bana rahe yahi dua hai. Maafi kuch galat kaha ho toh.

RAB HI SAB HAI

Apka Vishwas dagmaga sakta hai , UNKA karam nahi

Dilon Ki Kahaani Labzon Ki Zubaani 

17

Ek baar do behen hoti hai jinki shaadi ko kayi saal beet jaate hai pr dono ke yahan koi bachcha nahi hota. Baba fakeer ke paas dono salaam krne jaate is mansha se ki RAB G se dua kr UNKI blessings maangenge. Baba fakeer ke paas RAB G dwara di gayi blessings hoti hai ki voh aage zaroorat mand bachchon ki maddad kr ske. Dono beheno ki arz pr Baba fakeer dono ko hi ek-ek khajoor dete hue farmate hai ki aap inhe kha lena , aane vale saal mai dono ke yahan bachcha hoga. Choti behen unka kehna maan khajoor kha leti hai , pr badhi behen sochti hai ki vaise kilo kilo khajoor kha leti koi bachcha nhi hota , is ek khajor se kya hoga aur yeh kehkr voh raste main ek padhe ek pathar k paas rkh jaati hai.

Saal beet jata hai aur vahi hai ki choti behen ke yahan bachcha hojata hai pr badhi behen ke yahan nhi. Boht pareshan aur dukhi ho, Baba fakeer ke paas jaate hai. Baba fakeer poochte hai badhi behen se ki aapki jholi kyu khali , aapne khajoor nahi khaayi. Maafi mangte hue kehti hai ki maine gustaakhi kr aapki baat nhi maani. Baba fakeer poochte ki kya aapo yaad hai aapne voh khajoor kaha rakhi thi toh vahi jaao aapko aapki chahat vahi mil jaaegi. Aur voh usi pathar ke paas jaakr dekhti hai toh ek nanha sa bachcha muh main ungli liya hua padha hota hai . Fat se gale laga kr bhaagti hui Baba fakeer ke paas aakr UNKA shukriya krti hai.



Ab is kahani ko padhte hue aap zaroor sochre hoge ki yeh sab fiction hai sirf kitaabi hai pr is khaani se joh sbse zaroori cheez smjhni vaali hai voh yeh hai ki RAB G pr vishwas aapka kis ad tak hai isi pr kaayam rehta hai ki aapke saath kya hoga, kyunki VOH toh har pal aapka khyaal rakh re hai aur aapke saah hai ab yeh toh aap pr hai ki aap UNPR kab apna vishwas laa skte ho. Vishwas se mtlb hai ki khud ko UNPR poora kurbaan krdena, fir bhale koi bhi situation kyu na ho bs surrender krdo. Let him decide cause he has the best solution.


In sab kahaniyon se maksat sirf ek hai ki jeevan main pareshaaniya khatam nahi hogi aur agr aapne un pareshaaniyon main khud ko dubo diya toh zindagi kya jeeyoge. Asli sukh aur sukoon sirf RAB G ke charno mai hai . UNSE hi khud ko poora jodhe rakho kyunki sirf VOHI hai joh dono jahan main aapke saath hai aur voh bhi har pal. 

Bhoolna nahi ki.......

RAB HI SAB HAI 

MAA aur PAPA

Dilon Ki Kahaani Labzon Ki Zubaani 

16

MAA

Is duniya main RAB G ki sbse badhi blessings kisi bhi bachche ke liye uski maa hai. Kamaal hai na joh maa 9 maheene tk apne bachche ko apne pet main sambhaal kr rakhti hai , vohi maa apne bahche ke paida hone se lekar jab tk zinda hai tb tk uska khyaal rakhti hai. Jab bachcha chota hota hai toh use smjh nahi hoti voh poora apni maa pr dependent rehta hai. Chalna , bolna , padhna , likhna , koodna sab voh usi se seekhta hai. Yeh kehna galat nahi hoga ki ek bachcha sabse zyada samay apni maa ke saath bitata hai isiliye uska svabhaav poora nahi pr lgbhag unhi ke jaisa bn jaata hai. Bachcha bhale kisi bhi umar main ho lekin apni maa ke liye voh uska bachcha hi rehta hai. Pr kitna ajeeb hai na ki badhe hote hote maa ki ehmiyat kam hoti jaati hai. Mtlb ki life main dost aajate hai fir life partner se rishta bandh jaata hai aur fir bachche hote hai, jiski vajah se shyd kahi na kahi hamesha ek kami si mehsoos hoti hai ki maa ko voh pyaar de na paaya joh har maa ne apni poori life apne bahche se chaha. Aur us bahche ko yeh kab realise hota hai jab uska apna bahcha hojata hai. Ek maa apni poori life apne bahchon ko pyaar hi deti hai aur badle main kuch nahi maangti bs akal ho toh smjh aajaega ki use bhi vahi pyaar hi chahiye hota hai. Pr ham jyada hi smjhdaar hojaate hai badhe hokr , ki doston ke saath late bahar rehte hai pr maa ne phone krke pooch liya late kyu toh uspe cheek dete hai. Ya girlfriend or wife ke saath shopping pr ya movie ke liye chale gaye , ghr pr batana bhool gaye aur dinner saath main krne ke liye maa wait krti rahi. Boht asaan hai yeh baatein kehna pr fir bhi maa ki asli ehmiyat aaj tk koi na smjh paaya hai na hi use smjhaaya jaa skta hai kyunki voh pyaar hai hi itna paak ki yuhi thoda maa ko RAB se relate kiya gaya. Ek maa kbhi apne bahche pr haar nahi skti, ar badhe hojaane ke baad bhi jab bimaar padh jao to us maa ko hi yaad kiya jaata hai kyunki use hi maloom kya hai sahi ilaaj. Salaam hai us har maa ko jisne itna pyaar is duniya main uske har bahche ko diya aur shukriya hai us RAB ka jinhone use banaya aur dua hai UNSE ki voh har maa ko sada sahisalamat rakhe, aur har bachche ko uski maa ke saath rehne ki blessings de ,uska pyaar paane ka sukh pradaan kre aur us maa ki ehmiyat smjhne ki sadbuddhi bakshe voh bhi sahi samay pr.

PAPA

Shyd is duniya main sbse underestimated ya less valued insaan koi hoga toh voh hai PAPA. Kyunki papa hamesha apne parivaar ki dekh baal ke liye , sukh ke liye mehnat main lage rehte hai. Aur bachchon ki har khwaaish ko poori krne ke liye jee jaan laga dete hai. Shyd yeh ek badha reason hai ki generally bachchon ka attachment unke father se kam hota hai in comparison to mother. Lekin yeh fact ek dam sach hai ki voh maa bhi apne pati ki vajah se hi khud ko aur apne bachchon ko secure feel krti hai. Papa poore ghr ki responsibility aur saari major tensions akele jhel lete hai bina kuch kisi ko bataye aur itne strong hote hai ki chehre pr dikhate bhi nahi. Aur hasi ki baat yeh hai ki bahcha badhe hote hote jahan maa ki ehmiyat kam aakne lgta hai, vahi papa ko toh kuch smjhta hi nahi. Aaj ke daur main yeh boht badha sach hai ki us maa ke liye hamesha uska pati hi stand krta hai aur saath deta hai , sale nikamme bachche bhi unhe chod dete hai. Maa jahan bahchon ke liye emotional strength and caring support hoti hai vahi father bachchon ke liye securing guardian , wish fulfiller aur mental strength bante hai. He teaches and makes us strong for how to deal with the outside world. Aur har bahche ko maloom hai ki uske papa hai uske saath tabhi jab kisi ke saath baat bigde na toh bachche aps main dhamki dete hai ki main apne papa ko bataunga. Hehe. Jis tarah maa RAB ka roop hai usi tarah papa bhi UNHI ka roop hai kyunki maa aur papa ek hai alag nahi aur meri dua hai ki har bachche ko uske papa ka saath and guidance and that secure caring strenghtful support mile and UNKE karam se sbhi papa har pal sahi salamat rahe aur strong rahe.

Bs yaar apne maa papa ki ehmiyat sahi samay pr smjh lo aur bhale kuch bhi unhe kabhi akela nahi chodna kyunki aaj bhi agr tumhein koi tension hoti hai toh sbse pehle vohi aaenge tumhara saath dene. Khush raho aur RAB G har maa papa pr apna karam banaye rakhna and unhe vohi deserving pyaar dilwaana joh unhone apne bachchon ko bina kisi condition ke diya.